Popular Bible Verses from MARKUS 13

Share

I kumu sarung i pubinsi u kaul᷊iu taumata ual᷊ingu i kumu tumatuhu-Ku. Arawe taumata ko mutatahang sarang panginsuenge, sarung i pakasal᷊amati.”

Inau i kumu mambeng pundiaga dingang u pakal᷊aingati, watu u i kumu wughangu kangereng temponge.

Dang boko i kumu samekang l᷊au bawaneng sarang pangadilang, kumbahang ghumagha apa hino nge i didato ngi kumu. Boko seng su tempo nge mudidato, pudidatote apa ko nipakatitong si kumu su temponge. Watu u kaul᷊i u manga didato ko ridato ngu e'e wal᷊ingewe didato ngu sisane ngu, kateho ko nusumongo bou Roh u Mawu Ruata.

L᷊angi dingang u dunia sarung mailang, arawe didato-Ku tatapi sarang kal᷊iwuenge.”

“Maneng we kere'e, takoae sarang manga singkatau matitong kangereng l᷊ounge arako kangereng orase. Manga mal᷊aikati su sorga wugha dang Ahus-E mang l᷊ai wugha, kitang I Yamang sisane nge matitong.

Boko i kumu makaringihi tingihi u l᷊utang l᷊au manga habari u parang, kumbahang mataku. Manga hal᷊i mang mambeng mariadi, kateho e'e wal᷊ingewe seng tempo nge mukiamati.

Watu'u e'e i kumu mambeng pakadadiaga, watu u i kumu wugha kangereng tataghuang u wal᷊e e'e sarung musul᷊e – pari su wawul᷊aeng, pari su kal᷊uarange, pari su kalonge, arako pari su tempo ngu matangutiti maburesi. Boko i sie singkahuwiu nusumongo, kumbahang sarang i sie makahombang si kumu mborong katikie. Apang ko Daku i habari si kumu i'i, Daku i habari l᷊ai su manga taumata: pakadadiagate!”

Bangsa simbau sarung dumarisi mundoka bangsa ko wal᷊inge. Negara simbau sarung mangalo mundoka negara ko wal᷊inge. Suapang tampa sarung pia rinuhi dingang u kal᷊ahutung. Kaul᷊ie e'e wuhue panitakenge, musul᷊ung u pundang u kal᷊iki susingkatau kokowawine su tempo mahinding.

Habari Mapia bou Mawu Ruata e'e mambeng i pul᷊ahabari horo su kaul᷊i u bangsa.

Sarung maul᷊i taumata sumongo mupake u areng-Ku dingang nangul᷊i seng Ia I Sie! bou e'e mangakal᷊i taumata maul᷊i.

I kumu mambeng pakatatiho, watu u i kumu sarung samekang dang wawaneng su pangadilang. I kumu sarung rarihang su manga wal᷊e pukakal᷊iomanengang. I kumu sarung wawaneng pupasaruang su manga tumbonang u l᷊au su manga ratu ual᷊ingu i kumu ko tumuhu si Sia. Dang e'e tempo ngi kumu tadea pangonggo u wuke hal᷊i u Ia si sire.

Watu u manga sihingu mananal᷊amati dingang u manga mahang nabi sarung sumongo. I sire sarung mukoa manga hal᷊i ko takoe sul᷊unge dang kaul᷊i u ko makal᷊aherang tadeau mangakal᷊i kere botonge sarang umat u Mawu Ruata l᷊ai.

“Mal᷊iu tempo kasasusa e'e, matangutiti sarung mutingkarundung, l᷊au wul᷊ang seng l᷊ai ta suminang. Manga wituing sarung manawo bou l᷊angi, l᷊au apang mangangawasa ngu kinuang sarung mukalabulu.