Popular Bible Verses from O KEJADIAN 39

Share

Ma Jou wïriwo o Yusuf hiädono ünanga salalu wohasili mata-mata ai manarama magoronaka. Unanga wogogere ai tuanga ai tauoka, o Mesir manyawa gënanga.

Hagala moi-moi madutu to Potifar wihigogoana o Yusufika. De hoko gënanga o Potifar wohiorikokaua mangale ai tau mahidailako sowaliua ai inomo mahali. O Yusuf wokuata deʼ wohailoa.

Ünanga wihigogoana yoböbui-bui mahomoa o Yusufika, deʼ o Yusuf iwihimoku wögöana hagala o manarama yadodiai o bui magoronaka gënanga.

Deʼ ünanga wohipareta hupaya o Yusuf itaiti iwitagoko de i wihingohama o bui magoronaika, makoano wäbui-bui manga kurunga mangïoka. Mä ma Jou wïriwo o Yusuf deʼ kahokogenangika wïdora, hiädono o bui mabaluhu wïigo unangika.

O öraha muruono naga mahoana, o Potifar ngoihekata mulaenge mïnahihu o Yusufika, daha o goduru gënanga mihigaro imähidu. O Yusuf woluku deʼ womitemo munangika, ”Uha nongamo, Nyonya, matuanga Potifar wohihi gogoanoka hagala touna madutu ngohino. Ünanga i paraluua wapikiroli okianaga o tauoka nënanga. Nenangoka ahikuaha imatero ma amoko de touna ai kuaha. Koiwa naga kamoiö de wohihigogoanua ngohino, sowaliua ngona Nyonya. Sarakia yakunu ngohi tadiai o manarama mamodorou gënanga deʼ tobaradoha ma Jou Madutuika?”

O wange moiuku maöraha o Yusuf wowohama otau magoronaika la wadiai ai manarama, o nyawa moiua genangokadau. O Potifar ngoihekata mïtauru o Yusuf ai jubaika deʼ mïtemo, ”Naino ngone homahidu.” O Yusuf woma kekelu womakua-kuata deʼ wakunu womahuputu, daha wohupu wopiringana ma ai juba kawa mal̄aika o ngoheka gënanga ami giamoka.