Popular Bible Verses from O KEJADIAN 50

Share

Ngini nimatekefakatioka la nidiai o dorou ngohino, mä ma Jou Madutu watagali o dorou gënanga imadadi o oa, hupaya de i dödadadi kahuruono gënanga o nyawa manga ngöe yowöwango-wango o öraha nanga yakunu yahihalamati.

Mä o Yusuf wätemo onangika, ”Uha nihawana; hababu ngohi yakunua todiai hokä ma Jou Madutu.

Uha nihawatere. Ngohi aha tangodumu tingini deʼ nia ngoha-ngohaka mata-mata o baranga okianaga yopöparalu.” Hoko gënanga ünanga wohirïdi toönanga manga hininga de o demo ma oa-oa, hiädono önanga yätora.

ünanga womïhuloko ngomi mitemo ngonaika hoko nënanga, ’Nahi apongo o howono kahuruono yadodiai ani ria-riaka ngonaika.’ Ho, hokä ma Jou Madutu nanga ama wïhuba-huba ai gogilaongo, ngomi migahoko, nohi apongo miahowono miadodiaioka.” O Yusuf woari maöraha watarima o behehongo gënanga.

Wätemo ai riadodotika, ”Tongohi ahi ajali i tigioka, mä ma Jou Madutu maraioka aha winïpaliara ngini deʼ winïtuda ngini nihupu de o bereraino nënanga nioiki o bereraika wahijäjajioka de makoboto o Abrahamika, o Ishakika, deʼ o Yakubika.”

O Yusuf wähuloko mata-mata ai riadodoto de manga ngoha-ngohaka yokoboto, yato, ”Nijaji ngohino, maöraha okia ma Jou Madutu winï tuda ngini o bereraika gënanga, ngini aha niao to ngohiö ahi mayeti.”

De ipaha o Yusuf wohonenge o Mesir mabereraka de ai umuru o taongo o ratuhu moi de ngimoi. Onanga yarampa ai mayeti deʼ yakelenga ai honenge mapetiuku.