Popular Bible Verses from WATTI'U MANGA RASUL 2

Share

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

Inaṛṛombanganne niaringiṛṛanna tingikka wuassu langitta naal᷊ihida anginna ma'ikkatta. Wal᷊e aianannu manga taumata udde mangke napenen tingikka. See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou. I mangitou sidutu madalo Ruata wuṛṛu ipaapulun taumata nambo. Miallo-miallo reenganni mangitou aatambanna ana waugu Mawu nangonggolu manga taumata apan tantal᷊anna sassal᷊amattanna.

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

Manga taumata apan mangngimanna udde sarangkanambone sidutu uaaukka wuṛṛu apa apan tatahuannani mangitou ipappaatti mangitou suadio'a. I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou.

Su tempo udde taumata apan mailal᷊are su Mawu sarun masal᷊amatta.’

Matannallo sarun maddandumma, wul᷊anna mabbal᷊i maṛṛamu ere ṛaṛṛa tantal᷊anna Allo Mawu, Allo apan bahewa wuṛṛu Allo apan mawantuga udde rumanta.