Popular Bible Verses from Lucas 17

Share

Tsay runatam nirqan: <<Sharkur aywakuy. Yärakamunqaykipitam Tayta Dios allïtsishurquyki>>.

Juk junaqllachö qanchis kuti contrayki mana allita ruraskir qanchis kuti <perdonaykallämay> nishuptikiqa perdonanki>>.

Allïyanqanta tantiyaskirmi juk runallana Tayta Diosta jinchipa alabaraykar Jesús kaqman kutirqan. Chaykurnam urkunpis patsaman chanqanyaq Jesúspa puntanman qonquriykur <<¡gracias, taytay!>> nirqan. Tsay runaqa Samariapitam karqan.

¡Tsaynö kaykaptinqa cuidädutä pitapis jutsaman ishkitsiyankiman! <<Runa mayiki mana allita rurashuptikiqa llutanta ruraykanqanta tantiyatsinki. <Perdonaykallämay> niyäshuptikiqa perdonanki.

Jesúsnam nirqan: <<Alliqkunaqa ¿manaku chunkaq kayarquyki? ¿Maytä wakinkunaqa?

Señor Jesúsnam nirqan: <<Ñäbuspa murunnö ichikllapis yärakuynikikuna kaptinqa kay sicómoro jachata <matsupita llukikaskir lamarman jawikay> niyaptikipis cäsuyäshunkimanmi>>.

Kawayninta salvayta munaqkunaqa kawaynintam oqrayanqa. Kawayninta oqraqkunam sïqa kawayninta salvayanqa.

Tsaypitanam discïpulunkunata Jesús nirqan: <<Runa mayinta jutsaman ishkitsikuqkunaqa imaypis kayanqam. Peru ¡allaw, pitapis jutsaman ishkitsiq runa! Juk wamrallatapis jutsata ruratsiptinqa mas allim kanman mulinu rumita kunkanman watarkur lamarman jitarpuyaptin.

<<Noé kawanqan witsan runakuna kawayanqannömi Runapa Tsurin shamunqan witsanpis kawayanqa. Arcaman Noé yaykunqan junaqyaqmi runakuna mikur, upyar y casarar kayarqan. Tsaynö kaykäyaptinmi diluviu shamur llapan runakunata ushakätsirqan.