Popular Bible Verses from Eksodusi 34

Share

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye.

Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Jehova i lo hlamula, aku: Languta, nza maha xivumelwano. Nzi ta maha zihlamaliso mahlweni ka vanhu va wena vontlhe, lezi zaku cima a zi se nga mahiwa laha misaveni yontlhe, hambu ni ka gihi tiko. Zonake a vanhu vontlhe lava u nga xikari kabye, va ta wona a ntiro wa Jehova; hakuva lezi nzi ta nga zi maha ha wena zi tava zilo zi riwukisako.