Popular Bible Verses from Johani 14

Share

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava.

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina.

A timbilu ta nwina ngha ti nga karateki; kholwani ka Nungungulu, mu kholwa ka mina kambe.

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina.

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena.

Nzi ta kombela ka Dadani, i ta mu nyika munwani Muyimeli, kasi a tshama na nwina kala kupinzuka, wu nga Moya wa zinene, lowu tiko gi nga zi kotiko ku wu amukela; hakuva a gi wu woni, hambu ni ku wu tiva; kanilezi nwina ma wu tiva, hakuva wu tshama na nwina, wu ta tshama nzeni ka nwina.

Ni xihi lexi mu ta nga xi kombela hi vito ga mina, nzi ta xi maha, lezaku Dadani i fela ku dumiswa ka Nʼwana. Loku mu kombela xa nchumu hi vito ga mina, nzi ta xi maha.

Loku mu nzi ranza, mu ta hlayisa milayo ya mina.

Le ndlwini ya Dadani gi kona wutshamu ginyingi; loku zi wa nga hi lezo, ngha nzi mu byelile; hakuva nza famba a ku ya mu longisela wutshamu.

Hambu loku nzi famba nzi ya mu longisela wutshamu, nzi ta wuya kambe, nzi ta mu teka muta ka mina; kasi laha nzi nga kona, mu fela kuva kona na nwinawu.

Tomasi aku kakwe: Hosi, a hi ku tivi lomo u yako kona; hi ta tivisa kuyini a ndlela ke?