Popular Bible Verses from KEJADIAN 3

Share

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

Menge nde been-na, bana esa, malela keke'din-na seli, lena heni basa bana lala'en, fo MANETUALAIN nakadada'dik-kala. Menge ndia, natane inak ndia nae, “Ade, te'e-te'e Manetualain kena-ka'i emi mi'a basa ai manai osi ia dalek lala'en-na, boan-nala hetu do?”

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

Boema, MANETUALAIN nafa'da inak ndia nae, “Neukose, Au popo-tama seluk o he'dim-ma, nai lelek o bei mailu, ma nai lelek o bongi. Tehu leomae leondiak boe, o nasa sasaom soaneu o saotoum-ma, bei nahele, tehu, neukose o makatele neun.”

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

Boema MANETUALAIN nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

Manetualain natane nae, “See nde nafa'da o, nae o makaholak? Ade, o mu'a ai, fo Au kena-ka'i o mu'an ndia so hetu?”

Basa boema, nai osi ndia boboan dulu, fo nai lelesu leo dalek neu-a, MANETUALAIN pe'da kerub-kerub, lai ndia, ma tafaina esa, isin-na pila lo'a-lo'a, ana puta leo basa mamanak lala'en-na neu, fo nanea enok leo ai manafe maso'dak ndia neu. No enok ndia, ta hapu hataholi esa boen, bisa neu leo dalek neu, fo ana deka no ai ndia.

Adam foi saoinan-na na'de Hawa, nanahu inak ndia, ana da'di inak neu basa hataholi daebafak-ka lala'en-na.