Popular Bible Verses from LUKAS 12

Share

Hu ndia de emi boeo muse mahehele aom, nanahu Ana Hataholi ka neukose ana mai nai faik fo emi ta bubulu kana fa.”

Tehu emi muse sanga enok makahuluk, fo ela Manetualain paleta emi so'da ma soona, neukose fe'ek sila la boeo Manetualain fen neu emi.”

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

Nana emi hata-hetom nai bee soona, emi dale ma boeo nai ndia!”

See ka nai emi dalek, fo no dale manafalahaa na, ana hapu tao namanalu teu na, leomae ba'ihanak mesa kana?

Boema Yesus nafa'da ana manatunga nala nae, “Hu ndia de Au afa'da ae, ‘Dale mala boso ba'ihana la'eneu emi so'da ma, fo nde hata fo neukose emi mi'a-minu, do hata fo neukose emi pake-nggao.’

Langadook manai emi langam lai na boeo, basa-basan nanaleke basak so. Hu ndia de boso bii, nanahu emi beli ma ba'u lenaheni manupui daiana sila la mai!”

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

Taoafik neu manupui kaa la leona! Ala ta sele-nggali, ala ta ketu-kolu, ma ta lanuu uma pepe'da nana'a-nininuk, do masoka kala fa. Tehu Manetualain fes nana'a-nininuk boe! Naa, emi beli ma ba'ulena neme manupui la mai!

Da'di dale mala boso ba'ihana ma mapangamak la'eneu hata fo neukose emi mi'a ma minu.

Leondiak boe na'u manai mo ka fo ana moli faik ia fo balahaa te nanahotuhenik. Tehu Manetualain barias na'u ndia de lole na seli. Mu'da hata no emi bai! Tehu emi kulang namahelek!

Ta hapu hata fo nananafuni ka, neukose ta nananitak, ma ta hapu hata fo nanabibila-babaa ka, neukose ta nanaofek fa.