Popular Bible Verses from DEDI 17

Share

Ba hiwa kambulu hiwa mbua ndau-naka na lurina i Àmbaràmu, i MIRI na-paitangu wikina lai nyuna, hi napanii-nya, “Nyungga Ala Mahupu-mbihaka. Karadaku-wa lai Nyungga, dàngu wa mànu-nyawa na pambuha-nggu.

“Yiana-yaka na pa-njanjingu na patura-nggu dàngu nyumu: Ku-panjanjingu Nyungga ba nyumuka napa boku la mangilu-na na banjaru dangu. Jia-duyaka nàhu na tamumu nda Àmbaràmu-ayapa tàka Ambarahàmu-yaka.

Napa Nyungga ku-palundu-nya na panjanji-nggu lai nyumu dàngu la wàla wuamu, ha-ndindiku ha-ndalaru, dàngu na pa-njanjingu nuna na-padaingu lundu nu - nu. Napa Nyungga Ala-mungga dàngu Alada da wàla wua-mungga.

“Yiana-yaka na pa-njanjingu na patura-nggu dàngu nyumu: Ku-panjanjingu Nyungga ba nyumuka napa boku la mangilu-na na banjaru dangu. Jia-duyaka nàhu na tamumu nda Àmbaràmu-ayapa tàka Ambarahàmu-yaka.

Tàka nahema i Ala, “Ndia-a. I Hara na papaha-mu napa na-paanangu haàtu anakeda mini dàngu màta nyumu i Ihàku ka wàmunya na tamuna. Nyungga duku ku-tuturu-ma napa la pa-njanjingu-nggu dàngu nuna na anakeda dàngu da wàla wuana lundu nu - nu. Na pa-njanjingu lundu nu - nuya.

Napa Nyungga kuwua-nggau nyumu dàngu da wàla wuamu na tana yiana, nàhu na ngia pa-ngiangu-mu ba tau tàkakau. Nggubulu-na na tana Kanaàngu napa manguda da ana umbuku-munyaka lundu nu - nu, dàngu Nyungga napa Ala-danggaka,” wàna.

Ka maràbaku-nanyaka i Ambarahàmu, na nyuna nariki ba na-payili na etina, “Nggiki peku-naka na haàtu na tau mini na mambàda hangahu ndau-naka na lurina hi na-ngalangu-biapa anana? Nggiki pekuna i Hara ba na-paana na mambàda hiwa kambulu mbua ndauna na lurina?” wàna pa-pangàda-na la eti.

Tunaka nu i Ala napanii-nya i Ambarahàmu, “Nyumu i Harai àmbu hili wàmu-dunyapa na papaha-mu; piti welingu nàhu i Hara wàmunya na tamuna.

Piti welingu nàhu nyumu màta kau kàriha nimbihu-da da ana rara mini jàka walu mbua lodu-daka ngalada padedi, jia-mbuha da tau ata da madedi la umamu, jàka ndia da tau pakeimu. Na kàri nuna jia-yaka na tanda pa-njanjingu-nggu Nyungga dàngu nyumu.

Na nyuna na pa-njanjingu-nggu napa ku-jorutu-ya dàngu i Ihàku, na anamu na pa-paana-na i Hara, la ndaungu na manàmu-nya, ràkangu jia-mayai la rehi hama tuna nàhu,” wàna.

Piti welingu nàhu nyumu màta kau kàriha nimbihu-da da ana rara mini jàka walu mbua lodu-daka ngalada padedi, jia-mbuha da tau ata da madedi la umamu, jàka ndia da tau pakeimu. Na kàri nuna jia-yaka na tanda pa-njanjingu-nggu Nyungga dàngu nyumu. Nimbihu-na na tau màta ka kàriya, dàngu nuna na tanda, jia-yaka na tanda paita wàngu mata na ma-paloha-nya na pa-njanjingu-nggu dàngu nyumu ba ma-padaingu lundu nu - nuya.