Popular Bible Verses from LUKAS 22

Share

”Allah Nikni, ik kubag famon ari namin fuhen hilak watmin pemihin halug hilak watnihinon ari Anden peruk lahi ane fug, Haren peruk lahen hag toho atmisi,” ibag.

Heng tirisi angge haren Allah fam wenggeltuk ane hindi nin aruhu rohon ulug Allah fam sembahyang ihi. Hat hindi hebeloho anggar atuk halug hori winon oho inindi wirikap eneptuk laruhun,” ibag.

Ari ibareg suburu roti wibareg sembahyang ibareg kut-kut otsi og isaruk lit, ”Nebe aru hit fahet og hisahukon og hisaruk lahi. An fahet wenggel niyaruk lit welamuhuben suburu ari roho naruk lamuhup,” ibag.

Ibagma suburu roti nibagma ik kubag wibareg hinang isaruk lit, ”Ik kubag aru wene keron werehen Allahn sali ibahon hikir amag ulug namep hit fahet wilip aruhu,” ibag.

Yesus akol anggolo haruk lit indi pong-pong angge turuk lit sembahyang urukmu lisag famen mep tep-tep wamburuk hag toho lisag tep-tep kinangma wamburuk latfag.

Hit An notsi welahebon aruma ap suwon ari hag toho welamuhup fug. Hit sehelimu an suwon welahi urukon ino malik toron amag, hiyag hisaruk lit mingming heneptuk ahun ino henemingmingangge amag.

Ibagma Yesusen, ”Petrus, yoho hubanggo suwe ayam ele uk fugmu haren hinahanam hun ari an napeleg ulug awiya wamihinon ari tem toho ihi,” ulug Petrus fam ibag.