Popular Bible Verses from Thangambere 28

Share

Man, nen, wanuti wakudi, man abigwoki ka ma tek icidho i ie, e abikeli kendo i ng’om maeni: kum abiweki ngo, ma fok’atimo lembe m’ayero pire iri ngo.

Man, nen, Yehova cungo i wie, man ewacu kumae, An a Yehova, Mungu pa Ibrahim ma kwaru, man Mungu pa Isak: ng’om m’ivuto i wie, abimie iri, man ni kodhini

E Yakobo ceu ku wang’ nindo pare, man ewacu kumae, Andha Yehova ni i ka maeni: man ang’eye ngo.

E Yakobo ng’olo lembang’ola, ewacu kumae, Tek Mungu bibedo karacelo kuda, man ebigwoka i yo m’acidho i ie, man ebimio ira kwen mi cemo, man kendi m’arony, ketho nia adwogo kendo ba ot pa vwa ku kwiocwiny, e Yehova bilund bedo Mungu para, e kidi maeni m’aketho malu ni mbegi, bilund bedo ot pa Mungu: man kind gin ceke m’ibimio ira abimio apaje iri andha.

man kodhini bibedo calu utur m’i ng’om, e ibimoiri foo yo reto, man yo nyangu, yor ariwa ma malu de, man yor ariwa ma piny: man wat ceke m’i ng’om binwang’u mugisa ni kumi ni kum kodhini de.

Man elwong’o nying’ ka maeno Beth-el, ento nying adhurane ma kwong’a Luz.