Popular Bible Verses from Thangambere 37

Share

E Yusuf uleko lek, man eyero lekne ni utumin mire: man gidage kendo m’usagu.

Nwang’u Israel umaru Yusuf ma sagu nyithindho pare ceke, kum en e wode mi tio pare: man etimo ire kanzu ma ju kite.

Man utumin gineno nia weggi mare ma sagu utumin mire ceke; e gidage, man gicopo weco ber ungo i bang’e.

Man eleko lek mange kendo, e eyere ni utumin mire, man ewacu kumae, Nen, aleko lek kendo; man, nen, ceng’ ku dwi man cero apar wi acel girwo ira.

E kumira nego utumin i kume; ento won ukanu lembene i pidoic.

Man ewacu igi kumae, Akwayuwu, wuwinj lek maeni m’aleko: kum, nen, wabetwio dhu cam i podho ni kanga, man, nen, kanga para ai malu, man ecungo atira bende; man, nen, kanga mu gibino gitieko kangane, man girum ni kanga para.

Ka kmneno wubin kawono, wek wanegue, man wabeyue i vur moko, e wabiwacu kumae, Yedi ma rac ucame: man wabineno gin ma biwok kum lek pare.

Man Jumidiani ma jukuloka, gikadhu; e giwodho Yusuf giting’e kud i vur, man ging’iewo Yusuf ba Juicmaeli ku sente mi mola ma tar pier ario. E gikelo Yusuf i Misiri.

Man giwecri gigi, giwacu kumae, Nen, jalek maeni bebino.

E ginene ku bor, man ka fodi ewok ceng’ni i bang’gi ngo, gipido lembe i kume kara ginege.

E Ruben uwacu igi kumae, Kud wuthwog rimo; wubaye i vur maeni ma ni i yamba, ento kud wuketh cingwu i kume: kara ebodhe kud i cing’gi, edwoke de ba won.