Popular Bible Verses from Thangambere 39

Share

E Yehova ni karacelo ku Yusuf; en e ng’atu ma won mierolembe; man eni i ot pa jadit pare ma Jamisiri.

Man eweko gin ceke m’ebedo ko i cing’ Yusuf; man eng’eyo ngo gin ma ni kude, ndhu kwen m’ecamu. Man Yusufne wang’e leng’, man kume de leng’.

Man jakur otkol umio jukol ceke ma ni i otkol i cing’ Yusuf; man gin ceke ma gitimo keca, en e jatimne.

Man jadit pa Yusuf umake, man ekethe i otkol, i ka ma jukol p’ubimo gibedo atwia i ie: e ebedo keca i otkol. Ento Yehova ni karacelo ku Yusuf, man enyutho bero ire, emio ire bero de i wang’ jakur otkolne.

Man etimbre yo ng’ei gin maeni nia ci jadit pare loko wang’e kum Yusuf; man ewacu kumae, Vut kuda. Ento ekwero, man ewacu ni dhaku pa jadit pare kumae, Nen, jadit para ng’eyo ngo gin ma ni i ot i bang’a, man eketho gin ceke m’ebedo ko i cinga: en edwong’ ma sagu an ungo i ot maeni; kadok gin moko de ecero ngo ira ndhu in, kum in i dhaku pare: ka kumeno acopo timo dubo maeni ma dit nenedi, man adub ni Mungu?

Man etimbre ceng’ni ku nindo maeni, nia ecidho i ot kara etim tic pare; man dhanu m’i ot moko mbe keca i ie. Man emake ku kendi pare, ewacu kumae, Vut kuda: man eweko kendi pare i cinge, e eringo, man ewok woko.