Popular Bible Verses from Yohana 15

Share

An a tiend ulok, wun wu jange: Ng’atu m’ubedo i ia, an de i ie, ng’atuno cego nyinge dupa: kum wucopo timo gin moko ngo nge kuda.

Wubed i ia, an de i iwu. Calu jange copo cego nyinge gire ngo, tek ebedo kum tiende ngo; wun de kumeno wucopo ngo, tek wubedo i ia ngo.

Tek wubedo i ia, lem para de bedo i iwu, wupenj gin ma tek wuyenyo, manebitimbre iwu.

Wugoyo wia ngo, ento an e m’agoyo wiwu, akethowu de, kara wucidh wuceg nyingwu, nyingwune de dong’: kara gin ma tek wukwayu ba Wego ku nyinga, emi ginde iwu.

Ng’atu moko mbe m’ubedo ku mer ma sagu maeni, nia ng’atu moko mi kwo pare pi jurimbe.

Ku ba janga ceke ma ni i ia ma cego nyinge ngo, ekabe woko: man ku ba janga ceke ma cego nyinge, elonye, kara eceg nyinge ma sagu.

Maeni cik para, nia wumeru, cu calu amaruwu.

I maeni Vwa doko dwong’ ya wucego nyingwu dupa; man wubibedo julubna.

An a tiend ulok mandha, Vwa ke jatipodho.

Tek ng’atu moko bedo i ia ngo, jubaye woko calu jange, ener de; e jucokogi, jubologi de i mac, man giwang’.

Giki maeni ayero iwu, kara anyong’a para bed i iwu, kara anyong’a mu de’pong’.

Tek wuworo cik para, wubibedo i mema; cil calu aworo cik pa Vwa, abedo de i merne.

Ang’olo gin maeni iwu, kara wumeru.

Dok wun wu mi ng’om, kuno di ng’om umaru ma pare: ento kum wun wu mi ng’om ungo, ento agoyo wiwu kud i ng’om, kum kumeno ng’om udaguwu.