Popular Bible Verses from Luka 8

Share

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Maeno m’upodho kind ukudho ke, maeni ju m’uwinjo, e ka gicidho i yo migi gideiri ku giki m’i ng’om ku lonyo man mutoro mi kwo maeni, e gicego nying’gi moko ngo ma cu.

Ju ma wi cana ke, gi ju ma ka giwinjo, gijolo lembe ku mutoro; maeni de ulaggi mbe kugi, ma giyio mi nindo ma nyanok, i nindo mir abidhe de gikier.

Man ewacu igi kumae, Yioyic mu nikani? Man lworo makugi igi de wang’ lii, giwecri de kumae, Ka kumeno ng’atu maeni en e ng’a, m’eng’olo lembe cil ni yamu ku pi de, man giwore e?

Ju ma dhu yo gi ju m’uwinjo; e wonabali lund ubino, man ekabu lembe woko kud i adundegi, kara ku giyi giboth de.

Kum gin moko mbe ma pandre, ma binyuthre ngo; kadok gin m’amung’a de mbe, ma bing’eire ngo ma bibino ba der de ngo.

Ka dhaku neno nia epondre ngo, ebino ma kume miel kpa kpa, epodho i wang’e, eyero de i vut dhanu ceke thelembe m’uketho emulo kume, maram kume kei ko ndhu ndhu nica. Man ewacu ire kumae, Nyara, yioyic peri e m’ubodhi; ci ma cwinyi kwio.

Man gibino i bang’e, gicewe de, giwacu kumae, Japonji, japonji, watho. E eceu, man ejuko yamu ku ngongo mi pi de: e gicungo, nam de nindo seble.