Popular Bible Verses from Yoane 21

Share

Akiʼyʼoleke toma, Yesu aokela Simona Petelo, Simona bona owa Yoane, onjokʼemi eefe elekola eefe ea bane? Aokela, O nde Nkolo, we wea wete nkolanga we. Yesu aolotoma, Leya bana ba mpate bakami. Aolokela lenkina bokela wʼefe, Simona bona owa Yoane, onjokʼemi eefe? Aoloutola, O nde Nkolo, we wea wete nkolanga we. Yesu aolokela, Esanya mpate ikami. Aolokela bokela wʼesato, Simona, bona owa Yoane, Ondangʼemi? Petelo aoloka lokeseli eki Yesu okelakʼende bokela wʼesato Ondangʼemi? ko aolokela, Nkolo, we wea baoyiʼauma, wea wete nkolanga we. Yesu aolokela, Leya mpate ikami.

Nsosolo, nsosolo, nkosangela, aki we bosekota, olembaki bombembe boke mongo, ko okendaki wiji bokiʼwʼolangaka, lolo ae wʼokita mpaka, wifosembya bakata ko omo ifokolembʼombembe, ko ifokotomba wiji bofa wʼolange.

Aolakela, Lusʼojanga nda wiji wʼelome ea wato ko lifotana. Nkako baolusʼojanga, ko ntabakuseya lobela bojanga ndʼewelʼea bofula wa nse.

Simona Petelo akela, Nsocwʼasa nse. Iyo bakela, Ko iso tocwe la we. Baocwʼokondela nda wato, ko botsʼoko ntabaoma nse nye.