Popular Bible Verses from Luke 15

Share

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Bualu muananyi ewu ukavua mufue, mmubiike ku lufu. Ukavua mujimine, mbamumonyi.” Kutuadijabu kusanka.

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Ndi musue kupingana kudi tatu wanyi, umuambila ne: ‘Tatu wanyi, ndi muenzele Mvidi Mukulu bibi. Ndi mukuenzele ne wewe kabidi.

Ke muana kumuambila ne: “Tatu wanyi, ndi muenzele Mvidi Mukulu bibi. Ndi mukuenzele ne wewe kabidi. Tshitshiena mukumbane bua untangile bu muanebe.”

— Pikala muntu wa kunudi ne mikoku lukama, yeye mujimije umue, kena ushiya mikuabu makumi tshitema ne tshitema mu mpata, bua kuya kukeba udi mujimine anyi? Kakuikisha too ne muawangulaye.