Popular Bible Verses from Luka 12

Share

Nuenu kabidi nudilongolole, bualu bua Muana wa muetu nealue ha diba dinudi kanui belangana meshi.

Kadi kebai bukelenge buandi, nebanuhe bintu ebi.

Yeye wakabambila ne, Nudimuke, kanukumi mitshima ku biuma; bua muntu kena ne muoyo bualu bua bungi bua bintu bidiye nʼabi.

Mitshima yenu kabidi idi kudi bintu bia mu tshibutshilu tshienu.

Muntu kai wa munkatshi muenu, bikaleye utamba kuelangana meshi, udi mumanye mua kulunga ku bule buandi nkubita umue?

Yeye wakambila bayidi bandi ne, Ebu mbundi nuambila ne, Kanutambi kuelangana meshi a muoyo wenu ne, Netudie tshinyi? Ne a mibidi yenu ne, Netuluate tshinyi?

Nsuki ya ku mitu yenu mene mene idi mibala yonso. Kanutshinyi, mushinga wenu udi mutambe wa mishamisha ya bungi.

Nuenu tshisumbu tshikese tshia mikoko, kanutshinyi; bua Tatu wenu udi musue kunuha bukelenge.

Monai bikololo; kabitu biakuna maminu, kabiena ne bibutshilu ne mayeba; kadi Nzambi utu waidisha; mushinga wenu udi mutambe wa nyunyu misangu bungi munyi?

Nuenu, kanukebi bia kudia ne bia kunua, mitshima yenu kailubakanyi.

Bisosa bia mu mpata bidiku lelu, hatshiabu nebibueshibue mu matshua; nuenu bena ditabusha dikese, bialuatshisha Nzambi bisosa nunku, yeye kena utamba kunuluatshisha, anyi?

Kadi kakuena tshintu tshibuikila tshiahanga kubuluibua, kakuena tshintu tshisokoka tshiahanga kumanyibua.