Popular Bible Verses from Psalmet 103

Share

Bekoje ZOTIN, o shpirti im, dhe mos i harro bamirësitë e tij.

Ai fal tërë paudhësitë e tua, ai shëron tërë sëmundjet e tua. Ta shpëton jetën prej varrit, të kurorëzon me mirësi e dhembshuri. Ai ta mbush jetën me të mira, ai të rinon si shqiponjën.

Bekoje ZOTIN, o shpirti im, dhe gjithë qenia ime emrin e tij të shenjtë.

Siç i dhimbsen bijtë një ati, ashtu i dhimbsen ZOTIT ata që e druajnë.

Sa larg është lindja nga perëndimi, aq i largon prej nesh paudhësitë tona.

ZOTI është i dhembshur e i mëshirshëm, i duruar e plot mirësi.

Nuk na trajton sipas mëkateve tona, as na shpaguan sipas paudhësive tona. Sa lart është qielli nga toka, aq e madhe është mirësia e tij për ata që e druajnë.

ZOTI e ka vendosur fronin në qiell, mbretëria e tij sundon gjithçka.