Popular Bible Verses from Zbulesa 22

Share

Unë jam Alfa e Omega, i pari e i fundit, fillimi e mbarimi.

«Ja ku po vij shpejt!», thotë Jezui. «Me vete kam shpërblimin që do t'i jap secilit sipas veprave të tij.

Shpirti dhe nusja thonë: «Eja!». Edhe kush dëgjon, le të thotë: «Eja!». Kush ka etje, le të vijë. Kush dëshiron, le të marrë falas ujin e jetës.

Lum ata që i lajnë rrobat e veta, se do të kenë të drejtë të hanë nga pema e jetës e të hyjnë në qytet nga portat.

“Ja ku po vij shpejt!”, thotë Jezui. Lum ai që zbaton fjalët profetike të këtij libri!».

Nuk do të ketë më natë dhe nuk do të kenë nevojë as për dritën e pishtarit e as për dritën e diellit, sepse do t'i ndriçojë Zoti Perëndi dhe do të mbretërojnë në shekuj të shekujve.

Ai që i dëshmon këto, thotë: «Po, po vij shpejt». Amen! Eja Zoti Jezu! Hiri i Zotit Jezu qoftë me të gjithë!

Unë, Gjoni, po u them të gjithë atyre që dëgjojnë fjalët profetike të këtij libri, se kush u shton ndonjë gjë atyre, edhe Perëndia do t'i shtojë atij plagët që shkruhen në këtë libër. Atij që heq ndonjë gjë nga fjalët profetike të këtij libri, Perëndia do t'ia heqë pjesën nga pema e jetës dhe nga qyteti i shenjtë, që përshkruhen në këtë libër.