Popular Bible Verses from GŨCOKERITHIA MAATHANI 10

Share

Na rĩrĩ, Isiraeli, rĩu, ũndũ ũrĩa Jehova Ngai waku abatairio nĩguo harĩ wee-rĩ, nĩ ũrĩkũ, tiga o wĩtigagĩre Jehova Ngai waku, na ũthiage na njĩra ciake ciothe, na ũmwendage, na ũtungatagĩre Jehova Ngai waku na ngoro yaku yothe, o na muoyo waku wothe, na ũmenyagĩrĩre maathani ma Jehova, o na irĩra cia watho wake wa kũrũmĩrĩrũo, marĩa ngũgũtaara namo ngĩgwatha ũmũthĩ, nĩguo wonage wega?

Nĩ gũkorũo Jehova Ngai wanyu, nĩwe Ngai ũrĩa ũkĩrĩte ngai iria ingĩ ciothe, na nĩwe Mwathani wa aathani, o Mũrungu ũrĩa mũnene, na ũrĩa wĩ hinya mũno, na wa kũmakania, ũrĩa ũtathuranagia gĩthiithi kĩa ũrĩa mũndũ atariĩ, na ũrĩa ũtangĩhakĩka.

Tondũ ũcio wĩruithiei gĩkonde kĩa ngoro cianyu, mũtige gũtũũra mũremete.

Ciana cia ngoriai, o na atumia a ndigwa, nĩwe ũmonagĩra kĩhooto cira-inĩ wao; o nake mũndũ wa kũngĩ nĩamwendaga, o na akaamũhe irio, o na nguo.

Ũcio nowe ũrĩgoocaga, na nĩwe Ngai waku ũrĩa wekire maũndũ macio manene ma kũgegania marĩa meyoneirũo nĩ maitho maku.

Wĩtigagĩre Jehova Ngai waku, na ũmũtungatagĩre, na wĩgwatanagie nake, na ũkĩĩhĩta ũgwetage rĩĩtwa rĩake.

Atĩrĩrĩ, Jehova Ngai waku nĩwe mwene igũrũ, o na igũrũ rĩrĩa rĩrĩ kũraya kũu matu-inĩ, o na thĩ, o na indo ciothe iria irĩ kuo.

Tondũ ũcio o na inyuĩ endagai andũ a kũngĩ; nĩ ũndũ o na inyuĩ nĩmwatũire bũrũri wa Misiri mũrĩ andũ a kũngĩ.