No rĩrĩ, Jehova angĩkorũo nĩ gwĩka egwĩka ũndũ ũngĩ mwerũ ũtarĩ wa ndũire, na kuonwo thĩ yathamĩtie kanua kayo, nayo ĩmamerie morĩre, marĩ hamwe na indo ciothe iria me nacio, marike irima marĩ muoyo o ro ũguo-rĩ, nĩguo mũrĩmenya atĩ andũ aya nĩ Jehova mamenete. Na gũgĩkinya atĩrĩ, atĩ aarĩkia kwaria ũhoro ũcio wothe, thĩ ĩgĩgĩatũka o hau maakinyĩte, nayo thĩ kahinda o kau ĩgĩgĩathamia kanua kayo, ĩkĩmameria, makĩũrĩra, marĩ hamwe na andũ ao othe, o na arĩa othe a nyũmba ya Kora, na indo ciao ciothe iria maarĩ nacio.