Popular Bible Verses from TAUNET 18

Share

Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit.

Kirori anyun Sara eng’ muguleldanyi, kole, Tos ta abaibaitu ago kogotertera osindo, ak kagoosit agine kiptaiyandennyu?

amu tun egu iman Abraham bororiet ne o ne tinyei kimnatet, ak kiberuri bororiosiek tugul che bo ng’ony eng’ inendet?

Ak kirikyi Abraham Jehovah, ak koteebe kolenji, Tos iwong’u bik che bo iman koboto che yaachen? Ngot komi bik che bo iman konomu eng’ nganaset: ko tos iwong’u amerire nganaset agobo bichoto konom che bo iman che mi oloto?

Ak kile Jehovah, Ngot anyorji Sodom bik konom che bo iman, arire anyun oloto tugul amu ichek.