Popular Bible Verses from JOHANA 1

Share

Ago tugul che kitaach inendet, ko kiigochi kamuget koek lagokab Jehovah, ichek che iyani kainennyi

Eng’ taunet ko kimi Ng’olyondet, ak kimi Ng’olyondet ak Jehovah, ak ki Jehovah Ng’olyondet.

Amu iluu lapkeiyet eng’ mesundeito; ak kima iterter mesundeito lapkeiyonoto.

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

Kigiyai tuguk tugul eng’ inendet; ak kima kiyai kiy age tugul ne kiga keyai ne kima yai inendet. Kimi sobondo eng’ inendet; ak ki lapkeiyetab bik sobonato.

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

Kimi ng’ony inendet, ak kigiyai ng’ony eng’ inendet, ak kima nai ng’ony inendet. Kinyonji chechik, ak kima taach inendet bikyik.

Kimi lapkeiyet ne bo iman, ne nyonei ng’ony, ne iluuchin chi tugul.

Amu kigigon Ng’atutiet eng’ Musa; kibwa mieindo ak imanit eng’ Jesu Kristo.