Popular Bible Verses from JOHANA 16

Share

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

Ago ye tun kagonyo inendet, Tamirmiriet ne bo imanit, kondoiywok agoi oit imanda tugul: amu mamwaei inegei; ago mwaei tuguk tugul che kasei: ak kong’ang’wok tuguk che bwanei.

Tom osom kiy eng’ kainennyu: osom, si onyoru, si kobiit kosulda boiboiyeng’wong’.

Ago amwawok ne bo iman: mie eng’ okwek ngawe: amu ngo mawe, ko manyonjinok Kagaigaindet; ago ngot awe, ayokwok inendet. Ak ye kagonyo inendet, kogikyi ng’ony agobo tengekto, ak imanda, ak kiruoget

Noto anyun otinye arogenet nguno: ago ta ageerok kogeny, ak boiboi mugulelwekwok, ama rebenok chi boiboiyeng’wong’. Ama oteebena kiy eng’ betunoto. Amwawok, iman, iman, ale, Ngot osom Kwanda kiy age tugul, kogonok eng’ kainennyu.

Amwawok, iman, iman, ale, Orirtosi ak oteitosi, ago baibai ng’ony: oarogendosi, ago kiweechi arogeneng’wong’ koek boiboiyet.