Popular Bible Verses from JOHANA 5

Share

Amwawok, iman, iman, ale, Inendet ne kasei ng’olyondennyu, ak koyani inendet ne kiiyokwa, kotinyei sobondab koigeny, ama wendi ole mi kiruoget, ago kagomong’ eng’ meet komong’ji sobondo.

Ak ye kingogeer Jesu chichoto koruei, ak konai kole ki u noto eng’ betusiek che chang’, kolenji, Imache kisoobin?

Cham osiachi eng’ sirutik, amu olen otinye sobondab koigeny eng’ choto; ago choto che baorianjina; ago mochame obwanja, si kobiit konyoru sobondo.

Kolenji Jesu anyun, Ng’eet, ib itogung’ung’, ak iwe. Ak kisob chichoto ngunoto, ak koib itogunnyi ak kwo. Ak ki sabato betunoto.

Kiwolji anyun Jesu ichek kolenji, Amwawok, iman, iman, ale, Mayaei kiy Werit inegei, ago ne keerei koyaei Kwanda: amu tuguk tugul che yaei inendet, koyaei choto agine Werit ko u noto.