Popular Bible Verses from LUKA 10

Share

Ogeero, kaagonok kamuget si kobiit otiech erenok ak melmelwek, ak oterter kimnatet tugul ne bo bunyot: ak mami kiy ne imuchi kong’emak.

Ago kiwolji Kiptaiyat kolenji, Marta, Marta, igereri met ak iimige agobo tuguk che chang’: ago kit agenge ne kemachei: amu kagolewen Maria kebeberta ne mie, ne magirebe.

Ak kiwolji inendet kolenji, Cham Kiptaiyat Jehovah neng’ung’ eng’ muguleldang’ung’ komugul, ak eng’ sobondang’ung’ komugul, ak eng’ kimnateng’ung’ komugul, ak eng’ ng’omnateng’ung’ komugul; ak icham chitab kokweng’ung’ ko u ye ichamdoige.

Ago kilenji ichek, O kesisiet ago ng’ering’ kesik: noto anyun osom Kiptaiyat ne bo kesisiet, si kobiit koyokyi kesik kesisiennyi.

Eng’ chuto somok, ilen ng’o ne kiek chitab kokwennyi eng’ chichoto kituiye rebik? Ak kile, Inendet ne kiriregei chichoto. Ak kilenji Jesu, Ui, iyai ko u noto.

Oba: ogeero kaayoktok ko u arekab kechirek eng’ kwenutab suik.