Popular Bible Verses from LUKA 8

Share

Ak che mi ng’ung’unyek che miach, ko icheget, che ye kagogas ng’olyot, konam komie, eng’ mugulelwek che bo telunatet ak ko miachen, ak koiiyo logoek eng’ kagiiletab ge.

Ak che kiibutyi katok, ko icheget che kigas, ak ye kaba kogiich kererwekab met ak magornatosiek, ak boiboiyetab tugukab soboni, ama iyo logoek che nyiitotin.

Ak icheget che mi ruandet barak, ko ye kagas ng’alek, koyan eng’ boiboiyet, ak matinyei tigitik, iyani ne matia, ak kochuchuigei eng’ betutab yomset.

Ak kilenji ichek, Mi ano kayaneng’wong’? Kiiyweis ak kokwong’io, kolenjigei ichegei, Ng’o chichi anyun, ne ng’atei agot usonet ak beek, kot kogas it inendet?

Ak choto mi oret taban ko icheget che kigogas; yeityo konyo oindet, ak konem ng’olyot eng’ mugulelwekwak, si manyor kayanet ak kesor.

Amu mami kiy ne keunyei, ne matun ng’ang’oksei; ama mi kiy ne bo ung’ot, ne matun naaksei eng’ ole lapkei.

Ak ye kingogeer kobogoriot kole, ma imuch koung’ak, konyo kobotanonu, ak kobutyi ng’ony eng’ tainnyi ak komwaita eng’ taitab bik tugul kit ne kaigochi kotwa inendet, ak ole kagisoopto ngunoto. Ak kilenji, Chebi, kagosoobin kayaneng’ung’; ui eng’ kalyet.

Ak kibwa ole mi inendet, ak kong’eet, kolenji, Konetindoni, konetindoni, kagibegu. Kong’eet anyun, ak koger kong’ usonet ak wasetab ge ne bo beek: kosis anyun araraita komung’do.