Popular Bible Verses from Génesis 26

Share

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini, Abrahamasti nayarojj ist'araquituwa, arsutanacajjsa phokharaquïnwa, camachi arunacajjsa, leyinacajjsa, yatichäwinacajjsa phokharaquïnwa” sasa.

Isaacasti uca chekatjja jayaruw sarjjäna, ucatsti yakha phuch'u allisjjaraquïna. Cunjämatejj jan cuna ch'ajjwañas ucan utjatapatsti “Samaraña” sasaw sutichäna. Saraquïnwa: “Jichhajj Tatituw aca chekjja churistu nayraru sartañasataqui” sasa.

Ucanwa Tatitojj uñstäna, saraquïnwa: “Jan Egiptor saramti jan ucasti cawqharutejj nayajj ‘Kheparam’ siscäma ucqharuw kheparäta

Uqhamasti Isaacajj uca chekarojj mä altar luräna, ucatsti Tatituruw art'asïna. Uca chekaruw carpapjja sayt'ayäna, sirvirinacapasti mä phuch'u allsupjjaraquïna.