Popular Bible Verses from Mabasa a Apoxtolo 5

Share

Penepo Pedhru na apoxtolo andzace atawira tenepa: “Pisafunika kubvera Mulungu, kupiringana kubvera anthu!

Ntsiku zonsene mu Nyumba ya Mulungu pontho nyumba na nyumba, akhaenda mbapfundzisa mbakhalonga kuti Yezu ndi Kirixtu.

Na tenepo, Pedhru am'bvundza kuti: “Ananiya, thangwi yanji wasiya Sathani mbapita muntima mwako, mbunyengeza Nzimu Wakucena, mbubisa kobiri inango idagulisa na iwe munda wako? Mpfuma ikhali yako tayu? Pontho pidamala iwe kuigulisa, kobiri ikhali na iwe tayu? Ndi thangwi yanji mphapo wanyerezera kucita penepi muntima mwako? Iwe udanyengeza anthu tayu, mbwenye wanyengeza Mulungu!” Na kubva penepi, Ananiya agwa pantsi, mbafa. Anthu onsene adapibva pikhadacitika, agopa pikulu kakamwe.

Cincino ndinakupangani tenepa: Lekani kuacita pinthu amuna awa. Asyeni aende pyawo. Thangwi ngakhala pinanyerezera iwo peno mabasa awo abuluka kuna anthu, pinamala. Mbwenye ngakhala pisabuluka kuna Mulungu, imwe munacimwana kupifudza, thangwi mungacita tenepo munakhala ninga muli kumenyana na Mulungu!” Iwo am'bvera.