Popular Bible Verses from Asom 1

Share

Konye idumunete osi apedor kebu Emoyo Lokalaunan nama kus; bobo iraunete osi luketodiarak kang' ko Yerusalem kiton Yudea kere kiton Samaria ka esial ka akwap kere.”

Kolimokini Yesu kesi ebe, “Mam kerait nu kus akijen akolong' kere apak na etemok Papa ka apedor keng'.

Ketukokinosi nenipe, koinakini nesi kesi akicorasia nu: “Mam alomar ko Yerusalem, konye kidereutu edutat lo alimokiit eong' osi kuju keng', edutat lo isumunikiit Papa kang'. Ebatisae Yoana ka akipi, konye ketuborosi apaarasia adis ibatisao osi ka Emoyo Lokalaunan.”

Katoma apaarasia akaisaung'on ketubor atwanare keng', kotakanu nesi kama kes irwan ipu korotin kalu itodiarito ebe kejari nesi komam abuonokin. Kwanyunete kesi nesi, kinerata nesi ka kesi kuju ka Ajakanut ka Akuju.

Kedau alimun nu, kodakarete nesi kuju iteete kesi, kosodi edou akiteribori nesi kama kes.

Ering'a kesi iteete kuju na keikara nesi, kogwoete itung'a iare kawai kes enapito inagai lukakwang'ak, kotemarete, “Itung'a luko Galilaya, inyo igwoete osi iteete kuju? Yesu lo, lo ayang'ario kuju alomar kama kus, ebuni kokipone kalope kang'oli kwape kanyunata osi nesi elosi kuju.”