Popular Bible Verses from Yoana 15

Share

Arait eong' emusabibu, iraasi osi ateniek. Ng'ini ni ideun kotoma kang', eong' de kotoma keng', ng'ini nes ni irai araito nu ipu, naarai kemam eong', mam osi kipedorete asoma ibore ipede.

Kideunosi kotoma kang', eong' de kotoma kus. Kwape emamare ateni kepedori akiraikin araito kanu keng' bon kemam kideun kotoma omusabibu, nes ekipone lo emamare osi kipedorete akidoun araito kemam osi kideunosi kotoma kang'.”

Kideunosi osi kotoma kang', kideunosi akiro kang' de kotoma kus, kilipata osi ibore kere ni ikotosi osi, isomakino osi.

Mere osi kiseunete eong', konye eong' kaseuni osi ka ainakin osi asoma, alosite osi akira araito, bobo kideunosi araito kus; tetere kiinakini Papa osi ibore kere ni ilipete osi kokiror kang'.

Emam itwan ni ejaatatar kamina adepar na, ebe akipala itwan akijar keng' kanuka ipaupatin keng'.

Ng'ini ateni kang' na emam kirai araito, ebuni nesi alemari. Ng'ini ateni na irai araito, igwerari nesi tetere iyatakini araito.

“Ekisil kang' nes lo: Kominasi kwape aminuna eong' osi.

Kokipone kalo itopoloro Papa kang' kanuka akira kus araito nu ipu kakitodiar kokipone kalo ebe iraito osi lukesisiak kang'.

“Arait eong' emusabibu loka abeite. Papa kang' nes lokesoman.

Kemam itwan kideun kotoma kang', ecakaro nesi king'a kwape kateni, kowoni; kotukokinete ateniek, kocakakinete kesi toma akimi kakicweikin.

Alimoki eong' osi nu, tetere alakara kang' ejaikin toma kus, alakara kus de kitodolikin.

Kiricata osi ikisila kang', ideunosi osi kotoma amina kang' kwape aricakina eong' ikisila ka Papa kang' kakideun kotoma amina keng'.

Nu nes nukecorakini eong' osi: Kominasi.

Kere kiraasi osi luka akwap, tin akwap emina osi bala itung'a keng'; konye kanu emamare osi kiraatatar luka akwap, bobo kanu aseuna eong' osi alomun kakwap, nes atenikina kireitere osi akwap.