Popular Bible Verses from Omochakano 27

Share

Tiga Nyasae agoitororere riime rikorwa igoro na obonoru bwe riroba, ne rigesa riao ribe rinyinge, na edivai boigo. Abanto bagokorere emeremo, na ebisaku bikoe obonene. Obe omonene ase abamino bonsi, abana ba nyoko bagosike; oyorakoragererie, nere naragererigwe, na oyoragosesenie, nere nasesenigwe!”

Esau akabora: “Inee! Tari korokwa Yakobo ase oboronge? Naki eye nengaki ya kabere ang’ainereirie. Ritang’ani akaira omwando one bw’okoiborwa kw’obotangi, naende bono oirire ogosesenigwa kwane!” Naende agwo kegima akamobooria ise iga: “Inee, tontigarereti ogosesenigwa?”

Erio Isaka ise akamoiraneria, akamoteebia, “Rora, obomenyo bwao inabobe aare korwa ase obonoru bwe riroba, na aare korwa ase riimi rikorwa igoro. Omoro oo bw’esegi nogere obe moyo, aye nomokorere oyomino emeremo; korende engaki neche orekong’ie, nobune rikorogoto erio akobekeire ase rigoti riao.”

Esau akabooria ise: “Ogosesenia nokomo gwoka kwabwate, Tata? Nsesenia nainche boigo, Tata ominto.” Esau agaaka egakuura, na akarera nobororo.