Popular Bible Verses from MARIKO 7

Share

Khurula mukari mu mwoyo ku mundu, tsirulamu tsinganakani tsindamanu, vandu khukona halala nivashili khuhilana khuli musatsa nu mukhali, khuhuuva, khwiira, khuheeya, vung'wang'wa, vumayanu, vuvehi, khuva ni tsisoni, khushendekha, vwichishi, vwiloli, nende vuyiingwa -- vindu vitamanu yivi viosi virulanga mukari mu mundu, khandi navio vilombanga mundu khwonekha.”

Shindu shivulakhuho shinjilanga mu mundu khurula ilwanyi shinyala khumulomba khwonekha, navutswa yeshio shirulanga mu mundu, nashio shimulombanga khwonekha! [

Yesu yavachipa, “Muprofeti Isaya yavoola katoto lwa yaprofeta khulondokhana khu munyi! Munyi muli vandu vikhola kholanga khuva vulunji, khuli yahandika: ‘Nyasaye avoolanga, vandu yava vambetsanga luyali khuvirila mu makhuva ka vavoolanga vutswa, navutswa katoto mioyo chiavo chili ihale wene khurula khwinzi.

Vasaalanga khwinzi mushikhaya; niveechitsa malako ka vandu valomba khuli veechitsanga malako kaanje!’

“Mulekhanga haluveka malako ka Nyasaye khumulonde mechitso ka vandu valomba.”