Popular Bible Verses from Joh 15

Share

“Ni nî ni mûzabibû, buî bûrî mpang'i. Ûrîa ûkaraga ndeene yaakwa, naani ndeene yaawe, ûu nîwe ûciaraga maciara jamaingî, nîkwîthîrwa gûtî u bûûmba kûthithia bûtî naani.

Karageni ndeene yaakwa, naani ndeene yeenu. O ta ûrîa rwang'i rûtîûmba gûciara rûrî runka rûtîgwateene na mûzabibû, o ûu kinya buî bwarega gûkara ndeene yaakwa bûtîumba gûciara.

Këethîra bûgaakara ndeene yaakwa, na nteto ciaakwa ikare ndeene yeenu, rombeni ûntû bunthe bûrîa bûkeenda na bûkathithîrua.

Tî buî bwaanthuurîre îndî nî ni ndaabûthuurîre na ndîrabûtûma bwîta gûciara maciara, maciara jarîa jagatûûra nîkenda Baaba akabwaa kîonthe kîrîa bûkamûromba ndeene ya riîtwa rîaakwa.

Gûtî wendo bûbûnene nkûrûki ya wendo bûrîa muntû eethîrwa arî nabu agîtîkîîria gûkua nîûntû bwa acoore baawe.

We nîwe ûtemaga rwang'i rûrîa rûtîciaraga maciara na rûrî ndeene yaakwa. Ningî nî acaaga o rwang'i rûrîa rûciaraga nîkenda rûciara maciara jamaingî nkûrûki.

Rîrî nîrîo rîathana rîaakwa, atî bwendanage o ta ûrîa ni mbwendeete.

Baaba nî akumithagua bwaciara maciara jamaingî, na rîu nîrîo bwonanagia bûrî aritwa baakwa.

“Ûûni nî ni mûzabibû jwa mma, na Baaba nîwe mûjûrîmîri.

Muntû ûrîa ûkarega gûkara ndeene yaakwa agaatemwa ta ûrîa rwang'i rûtemagwa na rûkooma. Mpang'i cia mûthemba jûu nîka ciûthûranagua na ikageerwa mwankiine îkaya.

Ndaabwîra mantû jau, nîkenda kûgwîrua gwaakwa gûkara ndeene yeenu, na bwîthîrwe bûrî na kûgwîrua kûrîa gûtîthiraga.

Këethîra bûkathîkagîra maathana jaakwa, bûgakaraga wendoone bwaakwa, o ta ûrîa kinya ni mbathîkagîra maathana ja Baaba, na ngakara wendoone bwaawe.

Waatho bwaakwa kîrî buî nî bûbû: Endanageni.

Këethîra bûrî antû ba nthîgûrû, nthîgûrû îrîngîbwenda nîûntû bûrî baayo. Îndî nîûntû bûtî ba nthîgûrû nîkwîthîrwa nî ndaabûthuurîre kûuma kîrî yo, nîkîo îbûthûûraga.