Popular Bible Verses from Mar 16

Share

Rîu arabeera, “Îteeni nthîgûrûûne yonthe bûgatûmîîrie Nteto Injega cia Mûrungu kîrî antû bonthe.

Barîa bageetîkia bakaewa inya ya kûringa biama: bakeengaga Nkoma bagîtumagîra riîtwa rîaakwa, na bakaaria na mîgambo mîgeni, bakëeja kûgwata njoka kana kûnyua gîntû kinya kîrîkû kîrî na sûmu, gîtîbathûkia. Bakarîkagîîra barîa baajîtue njara na bakoora.”

Ûrîa ûgeetîkia na abatithue akoonokua. Îndî ûrîa ûkarega gwîtîkia agaakanûkua.

Aritwa nabo bareeta baratûmîîria gûntû kunthe. Mwathani nî aarî nabo bagîtûmîîria na akarikîthia Nteto Injega na biama birîa biathithîkaga.]

Îndî mûthaka ûu arabeera, “Bûkárigara, Jesû wa Nazarethi, ûrîa waambîrwe mûtharabeene nîwe bûgûcwaa. Nî ariûkîre, atî aja. Raithîrieni arîa baramwîkîte.

Îndî bagûkinya bareethîra iiga rîriti mûromoone jwa kaburi. Iiga rîu rîaarî rîrînene mono. Bagûtonya kaburiine baroona mûthaka ûmwe weekîrîte nguû injerû akari nthî rûteere rwa ûrîo na bararigara mono.