Popular Bible Verses from CHƆN 21

Share

An ban‑da kɛn daunɛ chɛ‑a, mbɛ Chisɔsi koɔ‑a Saimɔn Pita tena, a ɔ, “Kai Chɔn 'na denɛ Saimɔn, n ko a di wan i ye, i ni ben i bɔɛ chɛ n gbɛɛ ma?” Mbɛ Saimɔn dɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “Mbɛ n fɛ mɔɛ n kun ma fɛn, yɔ an mbe sa denɛ n kun ma fɛn buɛ min dɔ.” Mbɛ Chisɔsi‑a Saimɔn Pita ɔ tisa to, a gba fean bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Mbɛ Saimɔn dɔ te to, a ɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.” A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

Mbɛ a ɔ an ma, a ɔ, “Wo wo 'a nyɛ gbain yaa a dɛ wo boo nyima ɔ, dɛndɛ chɛ ɔ, wo e nyɛ dɔ bia‑a wan.” Mbɛ an‑na an 'na yaa a dɛ nɔ, a sin, nyɛ n chɛ‑a wan a ɔ. An nii ma che ni a sawan‑da, a sɛ dɛndɛ gbu ɔ, koe min na mu, nyɛ n faen fan ni a a gban.

Mbɛ Saimɔn Pita koɔ‑a a bɔɛ n tena, a ɔ, “N mbe ta‑a nyɛ gbain tena.” Mbɛ a bɔɛ chɛ n bɛɛ ɔ, “Mmɔ bɛ an mbe ta tena, nyɛ gbain tena chɛ.” Mbɛ an gbɛɛ chɛ‑a dɛndɛ dɔndɔɛ ɔ, an ta‑a. Chɛɛ a su chɛ gbɛɛ ɔ, an ma nyɛ dɔndɔ wɛɛ bia ni.