Popular Bible Verses from DUKU 5

Share

A ban‑da kɛn koɔ‑a, a‑a a fɔ wan Saimɔn ye, a ɔ, “Dɛndɛ chɛ wii a ta yii chɛ ɔ yii tena, mbɛ wo‑a wo 'a yaa n na dɛ a ɔ, min mbe a ma, wo ni nyɛ n bia.”

Chɛɛ Saimɔn dɔ, “Kan mɔ, nn chia nn ya a pii, nyɛ gbain chɛ an na, chɛɛ nn ma‑a nyɛ dɔndɔ wɛɛ bia ni. Chɛɛ ni i‑a a fɔ, i ɔ, nn ni nn 'na yaa n na dɛ to yii ɔ, nn mbe a ma‑a wan.” Mbɛ an‑na yaa chɛ n na dɛ yii ɔ, an‑na nyɛ n bia aan, ɛnden fan na‑a to yaa n gbu n na ni panda panda.

Chɛɛ a ni an to wan tima dɔ n na, mbɛ a ta‑a kaina nu, mɔ ɔ mɔ nii kaina miin, mbɛ a‑a samunɛ chɛ.

Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a, min mbe a ma, an ni an kan kɔ sɔ an 'na ko yama n na.”

Saimɔn Pita‑a chɛ an dɔ yen, mbɛ a bea‑a Chisɔsi chen na, a ɔ, “Fa, n to, i ni ta. Ko yama ma mɔɛ mu n na.”

Mbɛ Chisɔsi ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu.

Chɛ fɔenɛ gbakɔ Saimɔn ye, an‑na an 'na dɛndɛ n chii wan tindi ma, mbɛ an‑na fen kɔ fen to, mbɛ an bea‑a Chisɔsi fɛ.

Tima dɔndɔ a, Chisɔsi ni kɛn duu dɔndɔ ɔ, kamin dɔndɔ ni wan nɔ, gbandi yama bɔen ni min gboo gbɛɛ ma. A‑a Chisɔsi yen kɛn, a bea‑a wan a chen na, mbɛ a‑a a disa, a ɔ, “Fa, ni a a di i ye, e kun fan i ni n baun.” Mbɛ Chisɔsi‑a a boo a ta, mbɛ a tu‑a kamin chɛ a. Mbɛ a ɔ, “I baun koe a di n ye. Baun gbɛ sanche.” Mbɛ a ya kɔɔɛ a, gbandi chɛ baun‑da kamin chɛ ma.

Chɛɛ Chisɔsi ma tɔɛ ta‑a wan a tima gbu a kan kɔ kan. A sin, mɔ fanka fanka ni na wan Chisɔsi kuiɛ a min koe a, a basan an baun koe a an 'na gbandi n dɔ.