Popular Bible Verses from Bɔ-Koe-Iyipiti 2

Share

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko ka to a mirila Isirɛla mɔgɛnuna tɔrɔyɛ wara-koe ma.

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Dan wo koloyara tumɛ min, a na tara a to mansɛla dunmusi wo ma. A mara wola den-kei la. Musi wo ya a fɔ ko, “N ya dan kɛ labɔ yi le tɔ,” woletɔ a ya a tɔgɔ sa Musa.

A na nara tumɛ min, mansɛla dunmusi ya a fɔ musi wo ye ko, “I ni dan kɛ bi ka a susun n ye. N si i sara.” Musi wo ya dan wo bi ka a susun.

Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi.

Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila. Musa ya a yɛ lakalan. A ma mɔgɔ-wo-mɔgɔ yen min kɛ, a ya Iyipiti kei wo faga ka a dogon kɛnkɛn rɔ.