Popular Bible Verses from Ɛksodɔs 20

Share

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev. Una nɔ fɔ wɔship nɔn ɔda gɔd, pas mi.

“Una nɔ fɔ mek nɔn aydɔl, ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn. Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi

“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.

“Una mɛmba di de fɔ pre ɛn blo ɛn kip am oli.

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Una gɛt siks de fɔ du ɔl una wok, bɔt di de we mek Sɛvin, na di de we fɔ pre ɛn blo, dat na PAPA GƆD in yon de. Una nɔ fɔ du nɔn wok da de de, una-o, una bɔypikin dɛn o, una gyal pikin dɛn o, una wokman ɛn wokuman dɛn o, una animal dɛn o, ɛn di fɔrina dɛnsɛf we de na una kɔntri nɔ fɔ du nɔn wok.

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Una nɔ fɔ lay pan una kɔmpin.

Una nɔ fɔ kip una kɔmpin in wɛf ɔ in man.

“Una nɔ fɔ kil ɛnibɔdi.

Una nɔ fɔ tif.