Popular Bible Verses from Jɛnɛsis 17

Share

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Yu nɔ go nem Ebram igen, naw yu nem go bi Ebraam bikɔs a dɔn mek yu di papa fɔ bɔku neshɔn dɛn.

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

“A de mek dis Kɔvinant wit yu naw ɛn a de prɔmis yu se yu go bi di papa fɔ bɔku neshɔn.

Dɛn PAPA GƆD se, “Nɔ-o! Yu wɛf Sera go bɔn bɔypikin fɔ yu ɛn yu fɔ gi am nem Ayzak. A go mek mi Kɔvinant wit am ɛn wit insɛf yon jɛnareshɔn dɛn, we go bi Kɔvinant we gɛt fɔ de sote go.

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Ebraam lidɔm flat wit in fes na grɔn, i bɔs laf ɛn aks insɛf se, if man kin bɔn pikin we i ol wan ɔndrɛd ia. Ɛn if Sera go ebul bɔn pikin we i ol naynti.

PAPA GƆD tɛl Ebraam igen se, “Fɔ yu wɛf Seray in yon say, yu nɔ fɔ kɔl am Seray igen; frɔm naw sote go in nem na Sera.

Frɔm naw sote go, ɔl di man dɛn fɔ sakɔmsayz we nain go sho se Kɔvinant de bitwin mi ɛn una.

Bɔt mi Kɔvinant go bi wit yu bɔypikin Ayzak, we Sera gɛt fɔ bɔn dis sem tɛm nɛks ia.”

Ɔl bɔypikin fɔ sakɔmsayz we i dɔn ol et de; wɛda i bɔn na yu os ɔ yu bay am frɔm ɛni trenja, as lɔŋ as na bɔypikin yu fɔ sakɔmsayz am. Na dis go mek di Kɔvinant de sote go.