Popular Bible Verses from Jɛnɛsis 37

Share

Wan nɛt Josɛf drim, ɛn i tɛl in brɔda dɛn di drim, dat mek dɛn et am mɔ ɛn mɔ.

Jekɔb bin lɛk Josɛf pas ɔl in ɔda bɔypikin dɛn, bikɔs i bɔn am we i dɔn ol. I mek wan fayn lɔŋsliv gawn fɔ am.

We di brɔda dɛn si se dɛn papa lɛk Josɛf pas dɛn, dɛn et am ɛn dɛn nɔ bin de tɔk fayn to am.

Afta dat Josɛf bin drim ɔda drim bak we i tɛl in brɔda dɛn. I se, i gɛt ɔda drim, ɛn insay dis drim i si di san, di mun, ɛn ilɛvin sta dɛn baw to am.

Josɛf in brɔda dɛn bin de jɛlɔs am bɔt in papa in bin de tink bɔt di drim ɛn de wɔnda wetin i min.

I tɛl dɛn fɔ lisin to di drim we i drim. I se dɛn ɔl bin de na fam de kɔt wit, nain in yon bɔndul grap tinap tret wan, dɔn dɛn yon bɔndul dɛn gɛda rawnd in yon ɛn baw to in yon.

Una lɛ wi kil am ɛn trowe in bɔdi insay wan pan dɛn dray wɛl ya so. Wi go se na wan wayl bush animal kil am. Dɔn wi go si wetin go apin to in drim dɛn.”

dɛn pul Josɛf kɔmɔt insay di wɛl ɛn sɛl am fɔ twɛnti silva kɔpɔ to di Ishmɛlayt dɛn we kɛr am go na Ijipt.

Dɛn tɛl dɛn kɔmpin se, “Luk Josɛf di drima.

We dɛn si am fawe de kam, dɛn bigin fɔ tay bagin wantɛm fɔ kil am.

Bifo dat lɛ dɛn trowe am insay di ol, bɔt lɛ dɛn nɔ kil am. I bin se so, bikɔs i bin mekɔp fɔ kam pul am ɛn sɛn am bak to in papa.