Popular Bible Verses from Jɛnɛsis 49

Share

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

“Josɛf na tik we de bia bɔku frut, na tik we de nia usay wata de bɔs na grɔn. In branch dɛn kin klem oba wɔl. In ɛnimi dɛn atak am, traŋa wan ɛn dɛn shut dɛn bo ɛn aro pan am ɛn mɔna am.

Bɔt in yon bo tinap stɛdi wan. I tan lɛkɛ se in yon an dɛn traŋa pasmak, bikɔs na Jekɔb in GƆD, di GƆD Ɔlmayti de gi am di trɛnk we na lɛkɛ di man we de mɛn ship ɛn nain de kɔba Izrɛl. Mek yu papa dɛn GƆD ɛp yu. Mek GƆD Ɔlmayti blɛs yu wit blɛsin we kɔmɔt na ɛvin ɛn blɛsin we kɔmɔt ɔnda, ɛvin ɛn mek yu gɛt di blɛsin we go mek yu mɛn plɛnti animal ɛn plɛnti pikin dɛn.

“Juda, yu brɔda dɛn go prez yu. Yu go bit yu ɛnimi dɛn. Yu brɔda dɛn go baw to yu. Juda, yu tan lɛkɛ yɔŋ layɔn, we dɔn kil ɛn it dɔn. Lɛkɛ layɔn nɔmɔ yu butu ɛn lidɔm Lɛkɛ uman layɔn, nɔbɔdi nɔ gɛt maynd fɔ ambɔg am.

“Rubɛn, yu na mi fɔs-bɔy-pikin, yu sho se mi na man ɛn a bɔn yu we a yɔŋ. Yu pas yu kɔmpin dɛn bay yu pozishɔn ɛn pawa. Bɔt ɔl dis go dɔn. Yu go tan lɛkɛ wata na di si we nɔ de ɔnda kɔntrol, Bikɔs yu lidɔm wit mi uman ɛn briŋ shem pan mi.