Popular Bible Verses from Yɔni 4

Share

Masaala yina na. Huna biya bi niŋ ni kubatho beŋ yɔkɔŋ bi be niŋ niye kubatho ku gbakita iŋ Yina nama woŋ, awa bi kiŋ ba kɔthɔ nɔndi baŋ ba wundɛ.”

Lɔkɔ baŋ ba kɔŋ see, awa bɛŋ tɛŋ nda hintiŋ nthɔŋ, ba biya niye Fanda ntuŋ woŋ kubatho ku gbakita iŋ Yina nama woŋ, awa bi kɔŋ kɔthɔ nɔndi baŋ ba wundɛ. Fanda ntuŋ woŋ kɔŋ deethi biya bi niŋ niye kubatho ka gboŋa baŋ baŋ.

Kɛrɛ wɔ yo wɔ wo thiiye mandi ma yaŋ niŋ dunkune maŋ, ndɛ sa nɔŋ nda kaho kumbɛ. Mandi ma yaŋ niŋ dunkune maŋ ma kɔŋ niyɔ nɔŋ sobo kaake kɛnama hu iŋ mandi ma niŋ dunkune sii ba kɔy yo kɔy.”

Naa gbanthaŋ ndɛ, huna niye niŋ Yisɔs yaabi ba dɔma, na “Mɛnɛ yi kɔthɛŋ nde munkii mu ka Masaala muŋ iŋ wo yina dɔŋ woŋ, na ‘Nkaa yama mandi ba thiiye,’ yi kɔŋ nde niŋ thɔnthɔŋɔŋ ba mandi. Awa ndɛ kɔŋ nde yina dunkune mandi ma dunkuŋ sii.”

Yisɔs dome kɛnamɛŋ, na “Muthɔma niŋ muŋ muna ba niya mathimo ma ka wo ŋindɛ yama woŋ maŋ, awa iŋ ba thankina wali nama ba ŋindi ndɛ yama ba si niya baŋ.

Huna dome hati woyɛrɛmɛ woŋ ka Yisɔs, na “Hɛmɔŋ, yi ka iŋ mumune, awa sobo haŋ hɛlɛŋ husuŋɔy. Kama yi punku kute mandi mabɛina ma dunkuŋ sii maŋ?

Kɛna dome hati woyɛrɛmɛ woŋ kɛnama, na “Yaŋ kɔthɛŋ ba dɔma na Banikisi wo niyo lahiri woŋ kɔŋ see. Naa ndɛ see, ndɛ kɔŋ mina si toŋinuwe bɛyiniŋ fooma.” Hati woyɛrɛmɛ woŋ dome niŋ Banikisi. Ndɛ na hɛlɛŋ dɔma Kraist woŋ. Huna dome Yisɔs kɛnama, na “Yando yina gbonkitiyande woŋ, yama Banikisi woŋ gbeeŋ.”

“Saaŋ ka detha wɔ wathe wo tepe yama bɛyiniŋ fooma ba thanki nde yaŋ niya. E ba hɔŋ woŋ baŋ kutɛ Banikisi woŋ?”