Popular Bible Verses from Luku 12

Share

Beŋ hɛlɛŋ, beŋ kɔŋ ba kɔsinɔkɔ ba yɛritɔ Hati ka Wɔ woŋ, baa wundɛ kɔŋ see ka malɔkɔ ma ba beŋ niŋ tute thukuma.”

Yɔlaŋ hintiŋ ba deethuwa Hugbakine nama haŋ ka siini bakendeŋ baŋ, awa munkɔŋ muŋ muŋ fooma beŋ kɔŋ muŋ kutu.

Kɛna key Yisɔs ka kɔtɔkɔy kaŋ yela bindɛ fooma e tɛpa, na “Niyaŋ kuthɛgbɛ e beŋ pamɔkɔ ŋaye ka milɛŋ bihakuwande, baa sii bakɛnda baŋ dekinteketa ka nanhulu bakɛnda baŋ hali kɔyta ti bɛŋ ka bɔya.”

Baa kamo kama ka kɛɛ bakɛnda, kɛna thukuma hukɛnda.

E wɔ kɔŋ ka mateete makendeŋ wo, ŋaye ka yaagba ba wundɛ ni baŋ, wo punku ba ndinta thɔɔkuwa hu ka sii bakɛnama baŋ?

Huna tepe wundɛ bakarandeni nama beŋ, na “Yaŋ tepe bena, baŋ niyɔkɔ yaagba ba siini bakendeŋ baŋ ba mu beŋ thɔŋ, maa ba ŋakɔtɔ ŋakendeŋ ŋaŋ ba mu beŋ thɔɔ.

Masaala thanki kɔnda bɔɔyɛ ndeŋ buŋ. Huna baŋ payɔ, beŋ akaahi mɔlɔŋ daŋandeŋ sonkoiŋ bibɔyɛ.

“Baŋ payɔ, bendo thahuwɔy beŋ ka kiki, baa mathimo ma ka Fanda ndeŋ woŋ mɛna ba bena dunkune Hugbakine haŋ.

Siyuwaŋ hɛ bɛtiŋ beŋ: bindɛ payeta, bindɛ ŋoneta, bindɛ ka iŋ ŋahunkuŋ, kɛrɛ Masaala athɛriyɛ bindɛ. Beŋ, beŋ yameŋ kolo ba bɛtiŋ beŋ!

“Awa baŋ niyɔkɔ yaagba ba kɔɔ timo tima ka deethuwa mu beŋ thɔŋ iŋ mu beŋ thiiye.

Kɛrɛ mɛnɛ Masaala wundɛ pithe hande hu hɛ hɔkɔŋ ka boi ka hupethɔy haŋ, mɛmpɛ nda e huŋ si tɔɔka, mbu ntiŋ nda beŋ, e wundɛ sa bena yaŋ pitha? O beŋ, bendo ka iŋ kulanɛya kutɛŋɛ beŋ!

Baa bɛyi yo bɛyi ba pututuwɔy bɛ kɔŋ nɔŋ kubunuwa, awa gbundu yo gbundu bɛ kɔŋ nɔŋ kothiyo.