Popular Bible Verses from ROMA 1

Share

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

Habiei ei nimbie him tirigi Allah pai tes dihyeisi dini ne tungwatu nya ingon dorti tut Allah de nisindemti di ngwig hon nohonti bi ba, ingon dorti tut bipia Noni ne Allah di nijit ri. Ba, bit bon tungwatu nya ingat mun dini yok bou igyai him kan bi noro hagom jo nibreisi mem yok tug hon Allah nipai testi. Gima rino bit bon ibuhup hanyen bipai mun mem ibisu tindei kan bi.

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

Ibindei ba, ikuk yok bak mun di nitrowai di ya luei Allah di nijit-jau nohoti. Ikuk yok bak mun di Allah pai tes he ba, yuubon yonti nok awak mem noro ikuk yok bak No di pai tes mun nyeng hagom ba, yuubon yonti nok awak mem Noni bi. Suar tungwatu nya inggei sut No di pai tes dima bijo ninno bijo kikau! Igbit ri.

Allah di ningon mpo tut sisar mbot kep tut notou Noni mikes hukum kwei leu gwamti ei yo di ibon sisar kin mun di mbuk nya yahagom dip lewo ide mun di mbuk nya tte tut tungwatu leu binhyepo ingon dorti tut Allah ningginau tungwatu nyati di nijit-jau dima bi.

Gima rino Noni sindui sut yok ei ba, ingon pri kep mun di bibon immai joti nya. Sop nya igyem njita tut pinai nya bit leu nok tungwatu nya igyai kepti bi noro sop yonti icut tut yam. Pinai nya cem igyem njita tut sop nya bit leu nok tungwatu nya igyai kepti bi noro ingon pri kep yam ba, pinai yonti cem icut tut yam apino itug ndei hukum drek dip ide sisar di kinei bibor dima. Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

Ipai sut yonti bipia ingon ki noro bi lewo ingon mbum yo. Ikuk yok bak Allah di niyaijo kikau bi. Noro ikuk yok bak kwar di ibon bou inda him nok tungwatu kin mun di dimba kin mun di mbut nimig kin mun di srei ei dihyei ninjek dip cem bou inda him ba, gima hagom mipror yon.