Popular Bible Verses from चेलै रै कम 1

Share

पर जैहणै पवित्र आत्मा तूसु पुर ईणा ता तूसु सामर्थ पाणा; अतै यरूशलेम अतै पूरै यहूदिया अतै सामरिया परदेस मन्ज, अतै धरती रै अन्त तक मेरै गवाह भूणै।”

तिनी तियां सितै बल्लू, “तैस टैमां अतै काल जो जाणना, तून्दा कम निय्आ जैडा पितै रै हत्था मन्ज हा।

अक्क बरी जैहणै सो इकट्ठै खाणा बैईठै ता यीशुऐ चेलै सोगी मुळी करी तियां जो आज्ञा दिती कि “यरूशलेम जो ना छड़न, पर मेरै पितै री तैहा प्रतिज्ञा रै पूरै भूणै री भाळ करदै रेय्आ, जठेरी चर्चा तुहै मिन्जो थऊँ हुणुरी हा। क्ओकि यूहन्‍नै ता पाणी रा बपतिस्मा दितुरा पर थोड़ै दिन बाद तूसु प्रमात्मैं थऊँ पवित्र आत्मा रा बपतिस्मा पाणा।”

तिनी क्रूस पुर दुख उठाणै अतै मरनै थऊँ बाद बडै़ पक्कै सबूता सोगी तियां पुर अपणै आपा जो जिन्दा प्रकट करूरा। अतै चाळी दिन तक सो तियां जो हुजदा रैऊरा, अतै प्रमात्मैं रै राज्य री गल्ला करदा रैऊरा।

ऐह बलदै बलदै सो स्वर्गा री कनारी जो चुकी लैऊ, अतै बदळै सो तंयारी हाख्री थऊँ लुकाई पाऊ।

तसेरै गान्दै जैहणै सो अम्बरा री कनारी अक्कटक लाई करी हेरू करदै थियै, ता दोई मणु सफेद कपड़ै लाऊरै तियां बलै अचानक ईच्ची खड़ियै, अतै तियां सितै बल्लू, “हे गलीली मणुओ, तुहै कजो खड़ी करी अम्बरा री कनारी अक्कटक लाई करी हेरू करदै हिन? ऐह यीशु, जैडा तून्दै नेड़ै थऊँ स्वर्गा जो चुकी लैऊ हा, जैस तरीकै तुहै ऐह स्वर्गा जो गान्दा हेरू हा तैस तरीकै ऐस फिरी ईणा।”