Popular Bible Verses from यूहन्‍ना 10

Share

चोर सिर्फ चोरी करना इन्दा, हत्या करना अतै नष्‍ट करना ही इन्दा; अऊँ ठेरैतांये छूरा कि सो जिन्दगी पान अतै मती सारी पान।”

“खरा पाअल अऊँ हा; खरा पाअल अपणी भैड़ा तांयें अपणी जान दिन्दा।

मेरी भैड़ा मेरा बोल हुणदी हिन; अऊँ तियां जो जाणदा हा, अतै सो मेरै पिचो पिचो चलदी हिन

अतै अऊँ तियां जो अनन्त जिन्दगी दिन्दा हा। सो कदी भी नष्‍ट ना भूणी, अतै कोई भी तियां जो मेरै हथा थऊँ खुस्सी ना सकदा।

प्रमात्मैं बल्लै गाणै रा दार अऊँ हा; अगर कोई मेरै द्धारा अन्दर गच्छा ता, तैस उद्धार पाणा, अतै अन्दर बाहर ईच्ची गिच्ची सकणा अतै तैसिओ घा मुलणा।

“खरा पाअल अऊँ हा; अऊँ अपणी भैड़ा जो जाणदा, अतै मेरी भैड़ा मिन्जो जाणदी हिन।

मेरा पिता, जिनी तियां जो मिन्जो दितुरा, सबी थऊँ बडा हा अतै कोई तियां जो पिता रै हत्था थऊँ खुस्सी ना सकदा। अऊँ अतै पिता अक्क ही हिन।”

जियां पिता मिन्जो जाणदा अतै अऊँ पिता जो जाणदा हा अतै अऊँ अपणी भैड़ा तांयें अपणी जान दिन्दा हा।

कोई मेरै प्राणा जो मिन्जो थऊँ ना खुसदा, पर अऊँ अप्पू ही दिन्दा हा। मिन्जो तैसिओ दिणै रा अतै फिरी लैणै रा हक भी हा। ऐह हूक्म मेरै पितै थऊँ मिन्जो मुळुरा।”

ता यीशुऐ फिरी तियां सोगी बल्लू, “अऊँ तूसु सोगी सच बलदा हा, प्रमात्मैं बल्लै गाणै रा दार अऊँ हा।

मजदूर जैडा ना ता पाअल हा अतै ना ही भैड़ा रा मालक, भेड़िये जो इन्दा हेरदा ता सो भैड़ा जो छड़ी करी नह्ई गान्दा; अतै भेड़िये तियां भैड़ा पुर हमला करदै अतै ऐरा औरा नहाई दिन्दा।

“अऊँ तूसु सोगी सच बलदा कि जे कोई भैड़ा रै ओबरै मन्ज दारा मितै ना गान्दा पर दीवार ऊपरा मितै लन्गी गान्दा सो चोर या डाकू हा।