Popular Bible Verses from यूहन्‍ना 15

Share

अऊँ अंगुरा री बैल सांईयै हा; अतै तुहै डाळी सांईयै हिन। जैडा मिन्जो मन्ज बणी रैहन्दा अतै अऊँ तैस मन्ज सो बडा फळ फळदा, क्ओकि मिन्जो थऊँ अलग भूच्ची करी तुहै कुछ भी ना करी सकदै।

तुहै मिन्जो मन्ज डाळी सांईयै बणी रेय्आ, अतै अऊँ तूसु मन्ज। जिंआं डाळी अगर रूखा मन्ज बणी ना रेय्आ ता अपणै आप ना फळी सकदी, तियां ही तुहै भी अगर मिन्जो मन्ज ना बणी रैहन्दै ता ना फळी सकदै।

अगर तुहै मिन्जो मन्ज सदा बणी रैहन अतै मेरा बचन भी तूसु मन्ज सदा बणी रेय्आ, ता जैडा भी मंगलै ता सो तूसु तांयें भूच्ची गाणा।

तुहै मिन्जो ना चुणुरा पर मैंई तुसिओ चुणुरा अतै तुसिओ नियुक्त करूरा कि तुहै गिच्ची करी फळ लैईन अतै तून्दा फळ बणी रेय्आ, कि तुहै मेरै नां सितै जैडा कुछ पिता थऊँ मंगलै तैस तुसिओ दिणा।

ऐत थऊँ बड़ा प्‍यार कसी रा भी ना हा कि कोई अपणै मित्रा तांयें अपणै प्राण देय्आ।

जैड़ी डाली मिन्जो मन्ज हा अतै फळ ना दिन्दी, तैतिओ सो कटि दिन्दा हा; अतै जैड़ी फळदी हा, तैतिओ सो छांटदा हा ताकि सो होर फळा।

“मेरा हूक्म ऐह हा, कि जियां मैंई तूसु सोगी प्‍यार रखू हा, तियां ही तुहै भी अक्की दूये सोगी प्‍यार रखा।

मेरै पिता री महिमा ऐत सोगी ही भुन्दी हा कि तुहै मता सारा फळ लैईन, ता ही तूसु मेरै चेलै बनणा।

सच्ची अंगुरा री बैल अऊँ हा, अतै मेरा पिता किसान हा।

अगर कोई मिन्जो मन्ज बणी ना रेय्आ ता सो डाळी सांईयै कटि करी फैंकी दिणा, अतै तैस हुक्की गाणा। मणु तियां डाळी जो बटोळी करी अगी मन्ज पाई करी फूकी दिन्दै।

मैंई ऐह गल्ला तूसु सोगी ठेरैतांये कणैई कि, मेरी खुशी तूसु मन्ज बणी रेय्आ, अतै तुन्दी खुशी पूरी भूच्ची गच्छा।

अगर तुहै मेरै हूक्मा जो मनलै ता, मेरै प्यारा मन्ज बणी रैहणा; जियां कि मैंई अपणै पितै रै हूक्मा जो मनु हा, अतै तसेरै प्यारा मन्ज बणी रैहन्दा हा।

ईयां गल्ला रा हूक्म अऊँ तुसिओ ठेरैतांये दिन्दा हा कि तुहै अक्की दूये सोगी प्‍यार रखन।”

अगर तुहै संसारा रै भुन्दै, ता संसार अपणै सोगी प्‍यार रखदा; पर ठेरी वजह थऊँ कि तुहै संसारा रै ना हिन, पर मैंई तुसिओ संसारा थऊँ चुणी लैऊरा हा, ठेरैतांये संसार तूसु थऊँ बैर रखदा हा।